رواية أنتي حقي سمرائي(الفصل التاسع والعشرون إلى الثالث والثلاثون)بقلم سعاد محمد سلامة
همت من معها بالغرفه مبتسمه،تقول:الغدا جه فى وقته،والله انا نزلت الصبح من غير ما أشرب شاى حتى،قضيت شوية مصالح،وبعدها جيتلك،بكشكول المحاضرات،الى كانت فاتتك،وفضلنا من وقتها،نذاكر،بس كويس الغدا جه أهو.
تبسمت سولافه قائله:طب يلا نتغدى،وبعدها،نكمل تانى مذاكره أنا فاتنى،
كتير الفتره الى فاتت،ومحتاجه أعوض،خلاص الامتحانات قربت،انا كنت بفكر،أأجل التيرم،بس بابا قالى بلاش،وكمان مساعدة المعيد ليا،شجعتني،وقولت فعلاً بلاش تأجيل،وأهو عامله مُعسكر مذاكره،مش بروح الجامعه،الى فى السكاشن،بس،وأنتى بتجيبلى المحاضرات،وبنذاكرها سوا،ربنا يوفقنا.
تبسمت زميلتها ،وهى تأكل قائله بهيام:
المُعيد وحلاوة المُعيد،ورقة المُعيد.
أبتسمت سولافه،رغم حزن قلبها قائله:المُعيد خلاص سحب عقلك،بعد كده هنقدملك فى العباسيه،أيه مش خلاص.
تبسمت زميلتها قائله:خلاص،أتقدملى،رسمى،وبابا قاله هيسأل عليه،وأخر الاسبوع هيرد عليه،بس بابا النهارده قبل ما أجى قالى أنه سأل عليه لقاه أبن ناس محترمين،وهو كمان محترم،بس هيستنى،لاخر الأسبوع،ويرد عليه علشان مش يقول علينا مدلوقين عليه.
ضحكت سولافه قائله:ميقولش مدلوقين،ليه دا أنت خلاص كنتى قربتى،تروحى تعترفى له بمشاعرك ولا تفكيرك الاهبل،انه معجب بيا.
تبسمت صديقتها قائله:ما هو السبب فى التفكير،ده،كل ما يشوفنى،يسألنى عليكى،فقولت كده،وكنت بتقطع،ونفسى أخنقك،بس دلوقتي،نفسى أبوسك
قالت هذا ونهضت تقبل خديها،قائله:يوم ما قالك،هينتظرنا فى الكافيه،وروحنا له،بعد ما رجعت من المكالمه،بسأله عليكى،قالى واحد،قليل الذوق شكله قريبها،بكلمها بطريقه فظه،وهى مشيت معاه وهو مرضاش يعمل معاه مشكله علشان الكافيه كان فيه زمايل لينا،وهو فى غنى عن الأقاويل الى هتطلع،وملهاش أساس من الصح،هو مشاعره فى ناحيه تانيه،وسألنى،وش كده،أنتى فى حد فى حياتك،قولت له لأ
صدمنى،وقالى أنه معجب بيا،ولو معنديش مانع،هو مستعد يتقدملى،وانا بهبلى،طلعت تليفونى،واديته رقم بابا،وكمان عنوانا.
ضحكت سولافه قائله:واقعه واقعه،ومفضوحه،طب كنت أرسمى الخجل شويه.
تبسمت زميلتها قائله:خجل أيه يا أختى أنا مصدقت أنه نطق،يلا عقبالك،أنتى،وو
لم تُكمل الكلمه،بسبب،رنين جرس الباب
فنهضت سولافه،وذهبت لتعرف من الطارق.
فتحت سولافه الباب،فوجئت بمن أمامها يبتسم.
